В лѣто 6655 [1147]. Убиша кияне Игоря Олговича, снемшемся вѣчемъ, и похитиша князя Игоря въ церкви святого Феодора, а онъ бяше въ черньцех и въ скимѣ, и мантию издраша, и изъ свиткы извлекоша, и емше и, изведоша изъ манастыря и убиша и септября 19, и везоша и на Подолие на торжище, и повергоша и нага. Володимеръ же посла тысяцьскаго Лазаря, и онъ повелѣ взяти князя Игоря людемъ, и они, вземше, покрыша его одежами своими, положиша и въ церкви святого Михаила. И на ту нощь Богъ прояви знамение велико, зажгошася над нимъ свѣщи всѣ, и наутрия приѣхавъ игуменъ, и везе и в монастырь святому Семеону, и тамо положиша и въ гробѣ.
Новгородская первая младшего извода
Новгородская Карамзинская
Софийская первая летопись
Тверская летопись
1147
1163
В лѣто 6671 [1163]. Преставися архиепископь новгородчкыи владыка Аркадии септября въ 19; положиша его съ великою честью въ притворѣ святыя Софѣя.
Теги: Архиепископ, Новгород, Новгородский, Смерть, Софии, 19 сентября, Аркадий, 1163, 6671,
В лѣто 6671. Преставися архиепископь Новгородскыи Аркадии, сентября 19, и положиша и в притворѣ святыа Софии с честью великою.